無限超越班2｜向佐堅持演男主播遭拒被吳鎮宇笑「面皮厚」 網民：有些東西真的勉強不來

近日吳鎮宇為內地綜藝節目《無限超越班2》其中一位導師，佢嘅率直敢言，引起網民高度關注，人氣再度急升。喺最新一集，向佐堅持想演男主播「梁景仁」一角，但遭到吳鎮宇以不同理由拒絕，更指被向佐搞到無語同頭痛，引起網民熱烈討論。

喺最新一集，導師吳鎮宇需要執導TVB劇集《新聞女王》中排球教練被爆出性侵球員案件嘅片段，而趙晴就被一早選定出演張佳妍（李施嬅飾）一角，而梁景仁、女排球員及排球教練一角則待定。向佐一心想演梁景仁嘅角色，所以一早就跑到吳鎮宇嘅房間，並表明想要演出該角色，不過就被吳鎮宇以不同理由拒絕，包括髮型、太瘦、形象及普通話發音。

當吳鎮宇認為向佐嘅髮型唔符合主播一角時，佢即刻多次改變髮型，不過仍然唔合吳鎮宇心水，之後再指出多個理由去拒絕佢，不過向佐繼續堅持，搞到吳鎮宇無語同頭痛，仲笑話佢「面皮厚」。無動於衷嘅吳鎮宇，一直等待其他參賽者嚟面試，最後決定由內地演員張睿飾演梁景仁一角，而無放棄嘅向佐就換上運動服，吳鎮宇先話：「可以，你排球教練沒問題。」

節目出街後，有唔少網民佩服向佐嘅精神，留言「向佐很努力想證明自己 加油」、「向佐真的好，不缺錢還這麼努力」、「向佐真的好 很努力」、「今天才看到你無限超越班的進步，真的非常好，搜了一晚上，加油哦」；不過同時亦有網民認為向佐根本唔啱做梁景仁，難為了吳鎮宇，留言話「吳鎮宇對向佐真的很敢作表情，不過向佐對於播報員的口齒清晰真的作不到」、「形象、口齒都不行 哪有主播這麼多稜角的」、「向佐可惜形象限制戲路」、「有些東西真的勉強不來」、「向佐說想演男主播，吳鎮宇的表情太有趣了」、「吳鎮宇太可憐」及「從來没覺得拒絕一個人是那麼艱難的事」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！